اسرائیلی فوج کی آمد پر یحییٰ السنوار جلدی جدی میں سرنگ میں 10 لاکھ ڈالرز بھی چھوڑ گئے تھے، نیویارک ٹائمز
نیویارک: اسرائیلی فوجیوں اور انٹیلی جنس کو اس وقت نہایت سبکی کا سامنا کرنا پڑا جب وہ ایک زیر زمین سرنگ میں حماس کے نئے سربراہ یحیحیٰ السنوار کو گرفتار کرنے پہنچے تھے۔
امریکی اخبار نیویارک ٹائمز کے مطابق اسرائیل کو حماس کے نئے سربراہ یحیحیٰ السنوار کی تلاش اُس وقت سے ہے جب وہ اس کے عسکری ونگ کے رکن اور پھر ترقی کرتے ہوئے القسام بریگیڈ کے سربراہ بھی بنے۔
گزشتہ برس 7 اکتوبر کو اسرائیل پر حملے میں بھی یحیحیٰ السنوار نے کلیدی کردار ادا کیا تھا جس کے بعد سے وہ اسرائیل کی ہٹ لسٹ پر ہیں۔ اس ہٹ لسٹ میں سے اسماعیل ہنیہ اور محمد دیف کو شہید کیا جا چکا ہے اور صرف السنوار باقی ہیں۔
یحیحیٰ السنوار کا سراغ لگانے کے لیے امریکا اسرائیل جوائنٹ انٹیلیجنس فورس کا قیام عمل میں لایا گیا جو زمین میں سرائیت کرنے والے ریڈارز کے ذریعے السنوار کا تعاقب کر رہے ہیں۔
امریکی اخبار کے مطابق رواں برس جنوری میں اسرائیل اس سرنگ تک پہنچنے میں بھی کامیاب ہوگیا جہاں یحییٰ السنوار رہتے تھے لیکن وہ چند لمحوں پہلے جا چکے تھے۔
اسرائیلی فوجیوں کو یحیحیٰ السنوار تو نہیں ملے لیکن گرم کافی کا کپ ملا جو یحیحیٰ السنوار کے لیے بنائی گئی تھی۔
نیویارک ٹائمز کے مطابق جلدی جدی میں یحییٰ السنوار اُس سرنگ میں 10 لاکھ ڈالرز بھی چھوڑ گئے۔
