کراچی: شہر میں فائرنگ کے واقعات میں کمسن بچی سمیت 2 افراد زخمی ہوگئے۔
تفصیلات کے مطابق اورنگی ٹاؤن کےعلاقے سیکٹر 14 گھر میں نامعلوم سمت سے آنے والی گولی سر پر لگنے سے 3 سالہ امہ ہانی شدید زخمی ہوگئی جسے فوری طبی امداد کے لیے عباسی شہید اسپتال لیجایا گیا۔
دریں اثنا لاسی گوٹھ محمدی مسجد کے قریب فائرنگ کے واقعہ میں 18 سالہ عامر زخمی ہوگیا۔
پولیس کے مطابق واقعہ جھگڑے کے دوران فائرنگ سے پیش آیا ہے جس کی مزید تحقیقات کی جا رہی ہے ۔
