کراچی:
ٹرینٹ برج ٹیسٹ میں زمبابوین ٹیم فالوآن کا شکار ہو گئی، انگلینڈ کیخلاف پہلی اننگز کا 63.2 اوورز میں265 رنز پر اختتام ہوا، یوں اسے 300 رنز کے خسارے کا سامنا کرنا پڑا۔
اوپنر برائن بینیٹ نے زمبابوے کی جانب سے 97 بالز پر تیز ترین سنچری کا اعزاز حاصل کیا، وہ139 رنز بنا کر آؤٹ ہوئے، اسپنر شعیب بشیر نے3 وکٹوں کے لیے 62 رنز دیے۔
قبل ازیں انگلینڈ نے دوسرے دن 3 وکٹ پر 498 رنز سے نامکمل پہلی اننگز شروع کی اور 96.3 اوورز میں6 وکٹ پر565 رنز بنا کر ڈیکلیئرڈ کر دی، ہیری بروک نے 58 رنز بنائے، پہلے دن زیک کرولی، بین ڈکٹ اور اولی پوپ نے سنچریاں بنائی تھیں۔
بلیسنگ موزاربانی نے 3 وکٹوں کے لیے143 رنز دیے ۔ دوسرے دن کا کھیل ختم ہونے تک زمبابوے نے دوسری اننگز میں 2 وکٹ پر 30 رنز بنائے ، اسے بدستور 270 رنز کے خسارے کا سامنا ہے ۔
