(فوٹو: ویب ڈیسک ایکسپریس)
کراچی: ڈی جی رینجرز (سندھ) میجر جنرل اظہر وقاص نے کراچی شہر میں مختلف علاقوں کا دورہ کیا اور سیکیورٹی انتظامات کا جائزہ لیا۔
ترجمان رینجرز سندھ کے مطابق ڈی جی رینجرز (سندھ) میجر جنرل اظہر وقاص نے جشن آزادی کے حوالے سے کراچی شہر کے مختلف علاقوں میں سیکورٹی کے انتظامات کا جائزہ لیا، انہوں نے مزار قائد پرسیکورٹی کے انتظامات کا بھی جائزہ لیا۔
علاقہ سیکٹر کمانڈر ز نے ڈی جی رینجرز کو رینجرز کی جانب سے سیکورٹی کے حوالے سے کیے گئے اقدامات پر مکمل بریفنگ دی۔
ترجمان رینجرز سندھ کا مزید کہنا تھا کہ ڈی جی رینجرز سندھ نے سیکیورٹی کے حوالے سے کیے گئے انتظامات کو مزید مؤثر بنانے کے احکامات جاری کیے۔
