اسلام آباد:
پنجاب حکومت نے پرائیویٹ اسپیشل پراسیکیوٹر کو 9 مئی واقعات سے متعلق تمام کیسز میں سپریم کورٹ کے سامنے پراسیکیو شن کی نمائندگی کرنے میں مصروف کر دیا ہے۔
پنجاب پبلک پراسیکیوشن ڈپارٹمنٹ کی طرف سے 8 مارچ کو جاری کردہ نوٹیفکیشن میں کہاگیا ہے کہ سپریم کورٹ کے وکیل جناب ذوالفقار عباس نقوی ایڈووکیٹ کو سپریم کورٹ کے سامنے 09 مئی واقعات سے متعلق تمام کیسز میں ریاست کی نمائندگی کرنے کے لیے خصوصی پبلک پراسیکیوٹر مقرر کیا گیا ہے۔
نوٹیفکیشن میں یہ بھی کہا گیا ہے کہ سپریم کورٹ میں ہر کیس کے منطقی انجام تک پہنچنے پر دو لاکھ روپے فی کیس کی فیس ادا کی جائے گی۔ واضح رہے ذوالفقار نقوی سائفر کیس کے پراسیکیوٹرز میں سے ایک تھے۔
اس کیس میں میں پی ٹی آئی کے رہنما عمران خان اور شاہ محمود قریشی کو اسلام آباد ہائی کورٹ سے بری کر دیا گیا تھا۔
چیف جسٹس آف پاکستان یحییٰ آفریدی کی سربراہی میں تین رکنی بینچ آج پیر کو پنجاب حکومت کی ان درخواستوں پر سماعت کرے گا جس میں 9 مئی واقعات میں ملوث ملزموں کی ضمانت منسوخی کی استدعا کی گئی ہے۔
پی ٹی آئی پہلے ہی 9 مئی کے واقعات کی تحقیقات کرنے والے جوڈیشل کمیشن کی تشکیل کے لیے سپریم کورٹ سے رجوع کر چکی ہے۔
سیاسی رہنما چوہدری فواد حسین جو خود ایڈووکیٹ سپریم کورٹ ہیں کا کہنا ہے کہ وہ 9 مئی کے واقعات سے متعلق 32 مقدمات میں ملوث ہیں، نہ تو چارج شیٹ اور نہ ہی چالان رپورٹ میرے خلاف مخصوص الزامات کی کوئی وضاحت فراہم کر رہے ہیں۔ عمران خان کے خلاف ثبوت بھی مضحکہ خیز ہیں۔
