کراچی:
پاکستان ائیرپورٹس اتھارٹی(پی اے اے) کے ترجمان نے کہا ہے کہ کراچی ائیرپورٹ پر پروازوں کا عمل بتدریج معمول پر آ رہا ہے۔
ترجمان پی اے اے نے کہا کہ 11اور 12 مئی کو کراچی ائیرپورٹ سے بین الاقوامی اور اندرون ملک کی متعدد پروازیں آپریٹ کی گئیں، دو روزکے دوران 18 بین الاقوامی پروازوں کی آمد کو شیڈول کیا گیا۔
انہوں نے کہا کہ دو روزکے دوران 10 پروازں کی روانگی ہوئی جبکہ 8 پروازیں منسوخی کا شکار ہوئیں۔
ترجمان نے مزید بتایا کہ بین الاقوامی روانگی کے لیے 16پروازیں شیڈول کی گئیں، اس دوران 7پروازیں چلائی گئیں جبکہ 9پروازیں منسوخ ہوئیں۔
ان کا کہنا تھا کہ ڈومسیٹک آپریشن کے دوران کراچی سےاسلام آباد، لاہور، ملتان اور گوادر کے لیے کل 8پروازیں چلائی گئیں۔
