کراچی:
پاکستان کرکٹ بورڈ (پی سی بی) نے کراچی میں مجوزہ جونیئر کرکٹ لیگ کوغیرمنظورشدہ اور غیرمجاز قرار دے دیا ہے۔
پی سی بی کے مطابق مجوزہ جونیئر کرکٹ لیگ کے لیے کھلاڑیوں کی ڈرافٹنگ کی اطلاعات کا سختی سے نوٹس لیا گیا ہے۔
بیان میں کہا گیا کہ پی سی بی یا اس سے منسلک یونٹس کے ساتھ رجسٹرڈ تمام کھلاڑی، کوچنگ اسٹاف اور میچ آفیشلز کو اس ٹورنامنٹ میں شرکت سے سختی سے منع کیا گیا ہے۔
پی سی بی نے خبردار کرتے ہوئے کہا ہے کہ لیگ میں کسی بھی شمولیت کو پی سی بی کے ضوابط کی خلاف ورزی تصور کرتے ہوئےاسی کے مطابق کارروائی کی جائے گی۔
