اسلام آباد:
رہنما مسلم لیگ (ن) ڈاکٹر شذرہ منصب علی کا کہنا ہے کہ پہلی تو بات یہ ہے کہ یہ بہت ہی اہم اجلاس تھا، اس کے بارے میں کہا گیا کہ بند کمروں میں تھا اور یہ تھا وہ تھا، کچھ ایسی باتیں ہوتی ہیں کچھ ایسی چیزیں ہوتی ہیں، پاکستان اپنے ملک کے بارے میں جو آپ اوپنلی نہیں کر سکتے اس لیے ان کیمرہ اجلاس کیا گیا۔
ایکسپریس نیوز کے پروگرام کل تک میں گفتگو کرتے ہوئے انھوں نے کہا کہ عسکری قیادت ، سیاسی تمام قیادت موجود تھی، ہم جو ڈسکس کر رہے تھے وہ ایکسیسٹینشل تھریٹ جو پاکستان کو اس وقت ہے، پچھلے ایک سال سے آپ دیکھیں کہ کس تیزی سے ساری چیزیں بڑھ رہی ہیں، اب یہ کہہ رہے ہیں کہ ہمارے وقت میں یہ نہیں تھا اس لیے نہیں تھا کہ اس سے پہلے آپریشنز ہو چکے تھے۔
رہنما تحریک انصاف ڈاکٹر ہمایوں مہمند نے کہا کہ اس طرح ہوا تھا کہ پولیٹیکل کمیٹی کی میٹنگ ہوئی تھی صبح اس میں یہ فیصلہ ہوا تھا کہ، اکثریت نے یہ فیصلہ کیا تھا کہ ہم جائیں گے ان میں سے چار یا پانچ ایسے تھے جنہوں نے کہا تھا کہ ہمیں نہیں جانا چاہیے، اس بنیاد پر یہ طے ہو گیا تھا کہ ہم جائیں گے، لسٹ بن گئی تھی لیکن لسٹ کو ابھی تک ہم نے ڈسکلوز نہیں کیا تھا، باہمی اعتماد کی بنیاد پر صرف اسپیکر صاحب کے ساتھ شیئر کیا تھا کہ یہ ہماری لسٹ ہے۔
دفاعی تجزیہ کار (ر) میجر جنرل زاہد محمود نے کہا کہ پاکستان جنگ میں ہے، پاکستان کے خلاف وار کی ایپلی کیشن ہے، ہم وار کنڈیشن میں ہیں، ہائبرڈ کی ایپلی کیشن ہوئی ہے، گرے میں ہیں اور اینیمی از لارج، یہ مت سمجھیے گا کہ ایک ناراض آدمی ویپن لیکر پہاڑوں پر چڑھ گیا ہے ، پوری اسٹیٹ کی سوچ ، پورے اس سٹیٹ کا میڈیا، انھوں نے ایک اسکیم بنائی ہوئی ہے جو پاکستان پر ایپلی کیشن ہے، اسپیشسلی بلوچستان اور خیبر پختونخواہ میں، اس سٹیٹ کے بیچ میں ہماری پالیٹکس اور ہر چیز چل رہی ہے۔
