پاکستان کرکٹ ٹیم پر نیوزی لینڈ کے خلاف دوسرے ایک روزہ میچ میں بھی سلو اوور ریٹ کے سبب جرمانہ عائد کر دیا گیا۔ پاکستانی ٹیم پر یہ جرمانہ متعین کردہ وقت میں ایک اوور کم کرانے پر عائد کیا گیا۔
کرک انفو کے مطابق ہیملٹن میں کھیلے گئے دوسرے ایک روزہ میچ میں کپتان محمد رضوان کو خلاف ورزی کا مرتکب قرار دیتے ہوئے کھلاڑیوں پر ان کی میچ فیس کا 5 فی صد جرمانہ عائد کیا گیا۔
میچ ریفری جیف کرو نے یہ جرمانہ آئی سی سی کوڈ آف کنڈکٹ کے آرٹیکل 2.22 کے تحت عائد کیا جو اوور ریٹ سے تعلق رکھتا ہے۔
کھلاڑیوں پر متعین کردہ وقت میں فی اوور کے حساب سے 5 فی صد میچ کا جرمانہ عائد کیا گیا۔
واضح رہے نیوزی لینڈ کے خلاف پہلے ایک روزہ میچ میں بھی پاکستان پر سلو اوور ریٹ کی وجہ سے جرمانہ عائد کیا گیا تھا۔