موٹورولا نے اپنا اسمارٹ فون جی 55 گزشتہ برس اگست میں متعارف کرایا تھا اور کمپنی اب اس کے اگلے ورژن جی 56 کے لانچ کی تیاری کر رہی ہے۔ مارچ میں اس فون کی قیمت کے حوالے سے خبریں لیک ہوئی تھیں اور اب لیکرز نے فون کے متعلق مزید تفصیلات شیئر کر دی ہیں۔
جی 56 میں 6.72 انچ کی 2400×1080 ایل سی ڈی اسکرین نصب ہوگی جس کا ری فریش ریٹ 120 ہرٹز، 1000-نِٹ پِیک برائٹنیس اور اس کے اوپر گوریلا گلاس 7 آئی ہوگا۔
فون میں f/1.8 اپرچر کا 50 میگا پکسل کا مرکزی کیمرا ہوگا اور جس میں سونی کا لیٹیا LYT-600 سینسر استعمال کیا گیا ہے۔ اس کے علاوہ f/2.2 اپرچر کا 8 میگا پکسل الٹرا وائڈ اور f/2.2 اپرچر کا 32 میگا پکسل سیلفی کیمرا بھی فون میں موجود ہوگا۔
فون میں میڈیا ٹیک ڈائمینسٹی 7060 ایس او سی کا پروسیسر ہوگا جبکہ 4/8 جی بی ریم اور 128/256 جی بی کی اسٹوریج دی جائے گا۔ اس کے علاوہ فون میں 33 واٹ کی وائرڈ چارجنگ کی سپورٹ کے ساتھ 5200 ایم اے ایچ بیٹری بھی ہوگی۔
فون کا ی باڈی کا سائز 165.75×76.26×8.35 mm اور وزن 200 گرام ہوگا۔
