لاہور:
تھانہ گرین ٹاؤن کے علاقے میں پولیس اور ڈاکوؤں کے درمیان مبینہ مقابلے میں ایس ایچ او گرین ٹاؤن اور ایک کانسٹیبل زخمی ہوگئے۔
پولیس ذرائع کے مطابق گرین ٹاون میں پولیس اور ڈاکوؤں کے درمیان فائرنگ کا تبادلہ ہوا جس کے نتیجے میں ایس ایچ او گرین ٹاون خرم شہزاد اور ایک کانسٹیبل زخمی ہوگئے۔
پولیس کے مطابق ایس ایچ او خرم شہزاد اور کانسٹیبل کو ابتدائی طبی امداد کے لیے اسپتال منتقل کردیا گیا جبکہ پولیس نے علاقہ کو گھیرے میں لے کر مزید نفری طلب کر لی۔
