سندھ بار کونسل کا جسٹس عمر سیال کیخلاف چیف جسٹس آف پاکستان کو خط

سندھ بار کونسل نے جسٹس عمر سیال کیخلاف چیف جسٹس آف پاکستان کو خط لکھ دیا۔

خط کے متن میں کہا گیا کہ جسٹس عمر سیال نے اپنے حلف کی خلاف ورزی کی ہے۔ ہائیکورٹ کا جج جوڈیشل کمیشن کے فیصلے کو تسلیم کرنے کا پابند ہے۔ آئینی بینچ میں بیٹھنے سے انکار حلف اور جوڈیشل کمیشن کے فیصلے کی خلاف ورزی ہے۔

خط میں کہا گیا کہ چیف جسٹس آف پاکستان آئینی بینچ میں بیٹھنے سے انکار پر قانون کے مطابق کارروائی کریں۔ چیف جسٹس آف پاکستان کے نام خط سندھ بار کونسل کی ایگزیکٹو کمیٹی نے لکھا ہے۔