جیو اسٹوڈیوز اور باوجا اسٹوڈیوز کی شاندار ڈرامہ فلم ’مسز‘ کا ایشیا پریمیئر انٹرنیشنل فلم فیسٹیول آف انڈیا 2024 (IFFI) میں 22 نومبر کو ہوگا۔ اس خاص موقع پر پروڈیوسرز جیوتی دیشپانڈے، ہرمین باوجا، کوپروڈیوسر سمیتا بلیگا، مرکزی کردار سانیا ملہوترا اور ہدایتکارہ آرتی کاداو موجود ہوں گی۔
فلم ’مسز‘ نے پہلے ہی مختلف بین الاقوامی فلمی میلوں میں خوب داد وصول کی ہے، اور شائقین نے سانیا ملہوترا کی شاندار کارکردگی پر داد و تحسین کی بارش کی ہے۔ فلم میں رچا نامی خاتون کی کہانی بیان کی گئی ہے، جسے اپنے ازدواجی فرائض اور شناخت کے درمیان جدوجہد کرتے دکھایا گیا ہے۔
فلم کے پروڈیوسر ہرمین باوجا کا کہنا ہے، “مسز ایک ایسی کہانی ہے جو خواتین کی شناخت اور ان کی طاقت کو نمایاں کرتی ہے۔ ہمیں امید ہے کہ اس کہانی سے شائقین کا گہرا تعلق بنے گا۔” سانیا ملہوترا نے کہا، “بھارت میں پریمیئر کرنا میرے لیے ایک خواب پورا ہونے کے مترادف ہے۔”
