پرتگال کے اسٹار فٹبالر کرسٹیانو رونالڈو کے سعودی فٹبال کلب النصر سے علیحدگی کی افواہوں کے درمیان نئے معاہدے سے متعلق خبریں سامنے آگئیں۔
ہسپانوی اخبار کی رپورٹ کے مطابق سعودی کلب النصر اسٹار فٹبالر کرسٹیانو رونالڈو کو 15.2 ملین یورو (یعنی پاکستنای روپوں میں 4 ارب 84 کروڑ سے زائد) ماہانہ کی ڈیل کی پیشکش کررہا ہے۔
رپورٹ میں دعویٰ کیا گیا ہے کہ النصر فٹبال کلب نے رونالڈو کو 5 فیصد حصص کی پیشکش بھی کی ہے لیکن یہ معاہدہ محض ایک سال کیلئے ہوگا۔
مزید پڑھیں: کرسٹیانو رونالڈو جلد ایک منٹ کے 300 پاؤنڈ کمائیں گے
مبینہ طور پر النصر رونالڈو کی خدمات کو برقرار رکھنے کا خواہاں ہے اور دیگر اہم پیشکش کرنے کو بھی تیار ہے۔
النصر نے 31 دسمبر 2022 کو کرسٹیانو رونالڈو سے 2 سالہ معاہدے پر دستخط کیے تھے، جس میں پرتگالی کھلاڑی کو سالانہ 200 ملین یورو ادا کیے گئے تھے۔
مزید پڑھیں: رونالڈو کے نام نیا اعزاز؛ 700 فتوحات پانے والے “پہلے فٹبالر”
قبل ازیں کرسٹیانو رونالڈو نے ایک انٹرویو میں انکشاف کیا تھا کہ شاید قطر میں ہونیوالا فیفا ورلڈکپ انکا آخری ہو کیونکہ وہ 40 سال کی عمر میں ریٹائر ہونے کا ارادہ رکھتے ہیں۔
