اسلام آباد:
وفاقی دارالحکومت میں غیرت کے نام پر بہن کو قتل کرکے دفنانے والے بھائی کو گرفتار کرلیا گیا۔
پولیس کے مطابق اسلام آباد میں غیرت کے نام پر سگی بہن کو قتل کرنے والے بھائی کو گرفتار کرلیا گیا ہے، ملزم الفت نے اپنی 28 سالہ بہن کو قتل کرکے گھر کے باہر دفن کردیا تھا۔
واقعہ گزشتہ روز تھانہ بنی گالہ کی حدود میں پیش آیا تھا۔ پولیس نے ملزم کی نشاندہی پر لڑکی کی لاش برآمد کرنے کے ساتھ ساتھ ملزم سے آلہ قتل پستول بھی برآمد کرلیا۔
ملزم کے خلاف مقدمہ درج کرکے مزید تفتیش شروع کردی گئی ہے۔
