کراچی میں انتظامی غفلت سے افسوسناک واقعہ، 5 سالہ بچہ مین ہول میں گر کر لاپتہ

شہر قائد کے علاقے شاہ فیصل کالونی میں پانچ سالہ بچہ کھلے مین ہول میں گر کر لاپتہ ہوگیا۔

ایکسپریس نیوز کے مطابق افسوسناک واقعہ شاہ فیصل کالونی نمبر دو میں شادی ہال کے قریب پیش آیا، جس میں گرنے والے بچے کی شناخت پانچ سالہ حذیفہ کے نام سے ہوئی ہے۔

واقعے کے بعد ایدھی رضاکاروں نے بچے کی تلاش کیلیے ریسکیو آپریشن شروع کردیا ہے اور دو گھنٹے گزرنے کے باوجود بھی کامیابی نہیں مل سکی۔

افسوسناک سانحے پر والدین اور اہل خانہ شدید غم کی حالت میں مبتلا ہیں جبکہ علاقہ مکینوں سراپا احتجاج ہیں اور اُن کا کہنا ہے کہ متعدد بار شکایات کے باوجود بھی گٹر پر ڈھکنا نہیں لگایا گیا۔