کراچی:
کراچی میں 2 نادرا میگا سینٹرز میں پاسپورٹ دفاتر کے قیام کا فیصلہ کرلیا۔
ایکسپریس نیوز کی رپورٹ کے مطابق نادرا میگا سینٹرفائیو اسٹار چورنگی،نادرا میگا سینٹر سیمنس چورنگی(سائٹ)میں شہریوں کو پاسپورٹ کی سہولیات مہیا کی جائینگی۔
شہر میں متبادل پاسپورٹ سینٹرز کا قیام مرکزی پاسپورٹ آفس پر رش کم کرنے کے لیے کیا گیا ہے، گذشتہ دنوں ڈی جی پاسپورٹ مصطفیٰ جمال قاضی کے کراچی دورے کے موقع پرنادرا سینٹرمیں پاسپورٹ آفس کے قیام کا فیصلہ ہوا۔
ذرائع کا کہنا ہے کہ کراچی سمیت پاکستان بھر کے 11 کے لگ بھگ نادرا میگا سینٹرز پر پاسپورٹ کی سہولیات متعارف کروائی جارہی ہے۔
