(فوٹو: انٹرنیٹ)
کراچی: قائد آباد پولیس کے گلشن بنیر میں مبینہ مقابلے میں 3 زخمیوں سمیت 5 ڈکیت کو گرفتار کر لیا گیا۔
ایس ایس پی ملیر کاشف آفتاب عباسی کا کہنا ہے کہ زخمی ملزمان عمرن، خادم اور فیضان کو عباسی شہید اسپتال منتقل کر دیا گیا ہے۔
گرفتار دیگر 2 ملزمان عابد اور عبدالجبار کو قائد آباد تھانے میں منتقل کر دیا گیا ہے۔
گرفتار ملزمان سے پانچ 30 بور پستول ، موبائل فونز اور نقدی رقم برآمد ہوئی۔
ایس ایس پی ملیر کا کہنا ہے کہ دوران تفتیش گرفتار ملزمان نے انکشاف کیا کے وہ شہر میں ہونے والی واردتیں بینک ڈکیتی، اسٹریٹ کرائم اور وائٹ کرولا گینگ اور شہر کے مختلف علاقوں میں ہونے والی متعدد وارداتوں میں ملوث ہیں۔
ایس ایس پی ملیر کاشف آفتاب عباسی نے کہا کہ مقابلے کے دوران پولیس نے پانچ ملزمان کو گرفتار کیا جبکہ دو ملزم موقعہ سے فرار ہو گئے
فرار ہونے والے ملزمان کی تلاش جاری ہے، قائداباد پولیس کی جانب سے ملزمان کا مزید کرمنل ریکارڈ چیک کیا جارہا ہے.
ملزمان کے خلاف مقدمہ درج کر کے مزید تفتیش کا اغاز کر دیا گیا ہے۔
