ڈان 3 میں ویلن کون ہوگا؟ نام سامنے آگیا

بالی ووڈ کی مشہور فلم ’ڈان‘ فرنچائز کی تیسری فلم ’ڈان 3‘ میں ویلن کے کردار کیلئے وکرانت میسی کا نام زیر غور ہے۔

فرحان اختر کی ہدایتکاری میں بننے والی ڈان 3 میں رنویر سنگھ اور کیارا اڈوانی مرکزی کردار ادا کریں گے فلم اس و وقت تیاری کے مرحلے میں ہے جبکہ ویلن کا نام اب تک فائنل نہیں ہوسکا تاہم کہا جارہا ہے کہ اداکار وکرانت میسی کو فلم میں ولن کے اس ’اہم‘ کردار کے لیے پیشکش کی جاسکتی ہے۔ 

رپورٹ کے مطابق  وکرانت میسی، جنہوں نے حالیہ فلم ’12ویں فیل‘ میں بہترین اداکاری کا مظاہرہ کیا اور دنیا بھر میں خوب نام کمایا، انہیں ڈان 3 میں رنویر سنگھ کے مقابل مرکزی ولن کا کردار ادا کرنے کی تجویز دی گئی ہے تاہم ابھی تک اس کا فیصلہ نہیں ہوا ہے۔

ایک پوڈکاسٹ میں فرحان اختر نے بتایا کہ انہوں نے ڈان 3 کے لیے ’نئی نسل کے اداکار‘ کی ضرورت کے تحت رنویر سنگھ کو منتخب کیا۔ انہوں نے رنویر کی توانائی اور اداکاری کی صلاحیت کو سراہا اور کہا کہ ان کا ایک منفرد پہلو ابھی تک مکمل طور پر سامنے نہیں آیا ہے جس کو وہ دنیا کے سامنے لانے کی کوشش کریں گے۔ 

واضح رہے کہ ڈان 3 کی تیاری آئندہ سال مارچ میں شروع ہوگی کیونکہ فرحان اور رنویر دیگر منصوبوں میں مصروف ہیں تاہم شائقین اس میگا فلم کو بڑے پردے پر دیکھنے کیلئے برقرار ہیں اور فلم کی ریلیز کے منتظر ہیں۔