چین آئندہ چند دنوں میں اپنے نئے ڈرون کیریئر کی آزمائش کرنے جا رہا ہے۔
چینی ذرائع ابلاغ کے مطابق چین کا یہ نیا ڈرون کیریئر بیک وقت 100 چھوٹے ڈرونز فضا میں بھیج سکے گا۔
’Jiu Tian‘ (جیو ٹیان: نائن ہیونز) نامی اَن مینڈ ڈرون مدرشپ کو پیپلز لبریشن آرمی (پی ایل اے) ایئر فورس میں شامل کیا جائے گا اور اس کا مقصد فضائی لڑائیوں کی رسائی کو بڑھانے کے لیے بنیاد ڈالنا ہوگا۔
مکمل طور پر فعالیت کے بعد جیو ٹیان ڈرونز کے جُھنڈ کو فضا میں چھوڑ سکے گا، جو ایک ساتھ کام کر کے دشمن کے فضائی دفاعی نظام پر قابو پالیں گے۔
چینی ایئر فورس کی جانب سے اس ڈرون مدرشپ کو بیڑے کا حصہ بنانے سے قبل متعدد آزمائشوں سے گزارا جائے گا۔
بلندی پر پرواز کرنے والا جیو ٹیان چھ ٹن تک اسلحہ اور چھوٹے ڈرونز لے کر اڑ سکتا ہے اور اس کی حد 7000 کلو میٹر تک ہے۔
جہاں جدید جنگوں میں ان مینڈ ایریئل وہیکلز (یو اے وی) انتہائی اہم کے حامل ہوتے جا رہے ہیں وہیں جیو ٹیان چین کی تیزی سے بڑھتی ایڈوانس ڈرون ٹیکنالوجی میں تازہ ترین اضافہ ہے۔
