(فوٹو: ویب ڈیسک ایکسپریس)
لاہور: لبرٹی چوک سے شروع ہونے والی میراتھن ریس بارش کی وجہ سے تاخیر کا شکار ہو گئی تھی جس کا آغاز بارش میں ہی کر دیا گیا۔
میراتھن ریس کے جائزے کے لیے صوبائی وزیر کھیل فیصل ایوب کھوکھر اور ڈائریکٹر جنرل پنجاب اسپورٹس بورڈ بھی لبرٹی چوک پر موجود تھے۔
موسلادھار بارش کی وجہ سے ایتھلیٹس بھیگ گئے اور بارش سے بچنے کے لیے بڑی تعداد میں ایتھلیٹس نے کیمپوں میں پناہ لی۔
ریس صبح سات بجے شروع ہونی تھی، جس کا ٹائم بڑھا کر آگے کر دیا گیا، پنجاب اسپورٹس بورڈ کے ذرائع کے مطابق ریس کے آغاز کا وقت نصف گھنٹہ آگے کر دیا گیا تھا۔
جشن آزادی کے حوالے سے ہونے والی اس میراتھن ریس کو پنجاب کی تاریخ کی سب سے بڑی رس قرار دیا جا رہا ہے۔
ذرائع کے مطابق 12 کلومیٹر ریس میں بڑی تعداد میں ایتھلیٹس شریک ہیں جب کہ اس کے ساتھ 3 کلومیٹر فیملی فن ریس کا بھی آغاز کر دیا گیا ہے۔ ریس میں مردوں کے ساتھ خواتین ایتھلیٹس بھی بڑی تعداد میں شریک ہیں۔
