آرمی چیف جنرل عاصم منیر نے کہا ہے کہ مجھے کسی کا کوئی خط نہیں ملا، اگر ملا بھی تو اسے پڑھوں گا نہیں بلکہ وزیراعظم کو بھجوادوں گا۔
صحافیوں سے غیر رسمی گفتگو کرتے ہوئے سپہ سالار نے کہا کہ ملک بہت اچھے انداز میں آگے بڑھ رہا ہے اورپاکستان کو آگے بڑھنا ہے، پاکستان میں ترقی ہو رہی ہے۔
آرمی چیف نے کہا کہ خط کی باتیں صرف چالیں ہیں، مجھے کسی کا کوئی خط نہیں ملا، خط ملا بھی تو نہیں پڑھوں گا، بلکہ وزیراعظم کو بجھوادوں گا۔
سیکیورٹی ذرائع پہلے ہی کہہ چکے ہیں کہ کوئی خط نہیں ملا، نہ ہی اسے پڑھنے میں کوئی دلچسپی ہے۔
ذرائع کے مطابق آرمی چیف کی گفتگو سے واضح ہوگیاہے کہ حکومت اور فوج ایک پیج پر ہے ،آرمی چیف نے گفتگو سے حکومت پر اعتماد کااظہار کیا ہے۔
