(فوٹو: انٹرنیٹ)
کراچی: سعودی عرب فٹبال ٹیم کے اطالوی ہیڈ کوچ روبرٹو مانسینی نے فٹبالرز ککے پرو لیگ میں کھیلنے سے گریز اور مستقل وقت کی کمی پر تشویش کا اظہار کرتے ہوئے اسے ایک اہم مسئلہ قرار دیا ہے.
انھوں نے فیفا عالمی کپ 2026 کے کوالیفائر مقابلوں میں ملنے والے مواقعوں کو کھو دینے پربھی تشویش ظاہر کی، مانسینی کا کہنا ہے کہ کوریا، اردن، اور انڈونیشیا کی ٹیموں کے خلاف پنالٹی سمیت واضح مواقع گنوا دیے گئے.
مزید پڑھیں: فیفا ورلڈکپ کوالیفائر: سعودی عرب کی فٹبال ٹیم پاکستان پہنچ گئی
مانسینی نے سعودی ٹیم کے کھلاڑیوں کو اپنے ملک کی لیگ میں باقاعدہ کھیلنے کا وقت نہ ملنے کے مسئلے کو بھی اہم قرار دیا اور کہا کہ ہمارے بہترین کھلاڑی باقاعدگی سے کلب فٹبال کھیلنے سے گریزکرتے ہیں، ہمارے اسکواڈ کے20 کھلاڑی سعودی لیگ میں باقاعدہ شرکت نہیں کرہے.
مانسینی کا کہنا ہے کہ فوری طور پر اس کا سدباب ممکن نہیں ہے، ورلڈ کپ کے لیے براہ راست کوالیفکیشن کی جگہ حاصل کرنے کے لییسعودی ٹیم کو آئندہ میچز میں اپنی کارکردگی کو بہتر کرنے کی ضرورت ہوگی.
مزید پڑھیں: فیفا کوالیفائر: سعودی عرب نے پاکستان کو 0-3 سے شکست دے دی
واضح رہے کہ ورلڈ کپ 2026 کے ایشین کوالیفائرزکے تیسرے راؤنڈ میں اپنی مہم کا آغاز کرنے والی سعودی ٹیم کا جدہ کے کنگ عبداللہ اسپورٹس سٹی اسٹیڈیم میں انڈونیشیا کے خلاف میچ 1-1 سے برابر رہا تھا جبکہ منگل کو دوسرے راؤنڈ میں سعودی عرب کا چین سے مقابلہ طے ہے.
سخت اور مشکل گروپ سی میں سعودی عرب کے ساتھ آسٹریلیا، جاپان، چین، بحرین اورانڈونیشیا شامل ہیں،ہرگروپ سے ٹاپ اور رنر اپ ٹیم ورلڈ کپ کے لیے براہ راست کوالیفائی کریں گے جبکہ چھ دیگر ٹیمیں مختلف مقامات سیفائنل پلے آف میں مقابلہ کریں گی۔
