کورونا وائرس: عالمی ادارہ صحت کا ماسک پہننے سے متعلق موقف تبدیل
جنیوا:
عالمی ادارہ صحت نے ماسک سے متعلق اپنی رہنما ہدایات تبدیل کرتے ہوئے کہا ہے کہ جب مقامات پر سماجی فاصلہ ممکن نہ ہو وہاں لوگوں کو ماسک پہننے چاہئیں۔
غیر ملکی خبر رساں ادارے کے مطابق ڈبلیو ایچ او کے ڈائریکٹرجنرل ٹیڈروس ایڈہانوم نے پریس بریفنگ میں کہا کہ دکانوں اور پبلک ٹرانسپورٹ جیسے عوامی مقامات پر سماجی فاصلہ برقرار رکھنا ممکن نہ ہو وہاں لوگوں کو ماسک پہننے کی ضرورت ہے، کیونکہ ماسک جراثیم کے ذروں سے لوگوں کو بچا سکتا ہے۔
ٹیڈروس ایڈہانوم کا کہنا تھا کہ 60برس سےزائدعمر کے بزرگ افراد اور بیمار لوگ میڈیکل ماسک ضرور پہنیں، تاہم صرف ماسک پہننےسےکوروناوائرس سےبچا نہیں جاسکتا، بلکہ سماجی فاصلہ رکھنے،ہاتھ دھونے اور دیگر احتیاطی تدابیر پر عمل درآمد بھی یقینی بنایاجائے۔
WHO updated guidance on the use of masks for control of #COVID19: https://t.co/z6DTZLG5Qs
The new guidance is based on evolving evidence and provides updates on:
😷who should wear a mask
😷when a mask should be worn
😷what a mask should be made of pic.twitter.com/Cu7MEyCs3J
— World Health Organization (WHO) (@WHO) June 5, 2020
عالمی ادارہ صحت کی ماہر انفیکشن کنٹرول اپریل بیلر نے سرجیکل ماسک کی بجائے گھریلو ساختہ کپڑے کا ماسک پہننے کی ترغیب دیتے ہوئے کہا کہ ماسک پہننے سے کورونا سے متاثرہ شخص کے جراثیم سے بچا جاسکتا ہے۔
واضح رہے کہ اس سے قبل عالمی ادارہ صحت نے یہ کہا تھا کہ صرف طبی عملے اور کورونا وائرس سے متاثرہ مریضوں کو ماسک پہننے چاہئیں اور عام لوگوں کو ماسک پہننے کی ضرورت نہیں۔
پاکستان میں عوامی مقامات پر ماسک پہننا لازم قرار دیا گیا ہے جس کی خلاف ورزی کی صورت میں جرمانہ عائد کیا جاسکتا ہے۔
