کونسا سوال انوشکا کو پسند نہیں؟

بالی وڈ کی معروف اداکارہ انوشکا شرما کا کہنا ہے کہ انھیں ذاتی زندگی پر کیے جانے والے سوالات بالکل پسند نہیں ہیں۔

سوشل میڈیا کی ویب سائٹ ٹو‏‏ئٹر پر ایک چیٹ شو کے دوران انوشکا شرما سے ایک مداح نے پوچھا کہ ایسا کون سا سوال ہے جو انھیں پریشان کرتا ہے؟

مزید پڑھیں  گورو اروڑا کی جنس میں تبدیلی کی تصاویر وائرل

اس کے جواب میں فلم ’پی کے‘ کی سٹار انوشکا نے کہا کہ انھیں یہ قطعی پسند نہیں کہ کوئی ان کی جاسوسی کرے۔

انھوں نے کہا: ’کوئی میری جاسوسی کرے، میری ذاتی زندگی میں دخل دے، یہ مجھے پسند نہیں۔

حال ہی میں انوشکا شرما کو بھارتی کرکٹر اور ٹیسٹ ٹیم کے کپتان وراٹ کوہلی سے شادی کے متعلق باتوں پر بیان جاری کرکے تردید کرنی پڑی تھی۔

مزید پڑھیں  ورلڈ ٹوورز کے سیمی فائنل میں جوکووچ نے نڈال کو شکست دے دی

فی الحال انوشکا فلمساز کرن جوہر کہ فلم ’اے دل ہے مشکل‘ کی شوٹنگ میں مصروف ہیں۔

انوشکا کے لیے یہ سال باکس آفس کے لحاظ سے اچھا بھی رہا اور برا بھی۔ جہاں ایک طرف جون میں ریلیز ہونے والی فلم ’دل دھڑکنے دو‘ نے کامیابی کے جھنڈے گاڑے وہیں مئی میں ریلیز ہونے والی فلم ’بامبے ویلویٹ‘ میں انھیں ناکامی کا مزہ چکھنا پڑا۔

مزید پڑھیں  پاک بھارت کرکٹ روابط کی بحالی کے لیے کوششیں

تاہم انوشکا کا کہنا تھا کہ انھیں اپنی کسی بھی فلم پر افسوس نہیں ہے۔

اپنا تبصرہ بھیجیں